قائمة المدارس والمعاهد العليا التي تقبل المعدلات بين 11 و 15
هادوا واحد البركة ديال المعاهد و المدارس لي كنعرف كتقبل باك بين 11-15 ممعروفينش بزااف ولكن فيهم مستقبل زوين لا خدمتي فيهم:
- -معاهد التمريض Ispits
- -معهد الصحة بالسطات ISSS
- - الديبلوم الجامعي التكنولوجي مساعد طبيب اسنان (2سنوات) في كلية طب الاسنان.
- - معهد التعمير بالرباط INAU
- -مدرسة الأساتذة ENS meknes-Casa-Martil-kech
- - المعهد العالي الدولي للسياحة بطنجة ISITT
- - المعهد العالي للصيد البحري أكادير ISPM
- - معاهد التكوين الفندقي والسياحي ISTAHT
- -المعهد العالي لمهن السمعي البصري والسينما الرباط ISMAC
- - سلك تلاميذ ضباط الصف تقنيين متخصصين بالقوات المسلحة الملكية ISTA
- - المعهد الوطني للفنون الجميلة بتطوان INBA
- - المعهد العالي للفن المسرحي والتنشيط الثقافي ISADAC
- - المعهد الوطني لعلوم الآثار والتراث INSAP
- - معهد المعادن مراكش IMM
- - المعاهد المتخصصة في الأشغال العمومية بوجدة مراكش وفاس وأكادير ISTP
- - معهد التكوين مهن صناعة السيارات بالدار البيضاء-قنيطرة-طنجة IFMIA
- - مسلك الإجازة في التربية جامعة محمد الخامس – الرباط
- - المعهد الملكي لتكوين أطر الشبيبة والرياضة الرباط IRFC
- - سلك العالمية العليا بمدرسة العلوم الإسلامية بالدار البيضاء لحملة الباك والحافظين للقران الكريم
- - اجازات التميز كلية علوم التربية جامعة محمد الخامس – الرباط
- - المعهد المتخصص في مهن الطيران ولوجستيك المطارات بالدارالبيضاء.
مهم هاد المعاهد كاملة ممعروفينش بزااف ولكن عندهم مستقبل كبير لا خدمتي فيهم مزيان وتقدر تمشي حسن من واحد دار مدرسة الهندسة ولا الطب, بحال معهد ifmia ديال السيارات لي فكازا معروف بformation ودايرين الناس لي جايبين مزيان كيمشيوا اكملوا فألمانيا و كاين بزااف من هاد المعاهد كيوفروا بحال هاد الفرص. أهم حاجة فالدنيا هو تدير اشنو كيعجبك, كاين شحال من واحد قرايا فالباك جاب غير 12 ولا 13 ودار واحد من المعاهد وعجبوا الدومين ديالوا و خدم فيه ومشى مزيان كاين منهم لي خدم
المغرب بلاد كبيرة وفيها فرص كبيرة خصوصا لناس هاد المعاهد حنت كيكونوا قلال بحال ispm ديال أكادير كتقبل 200 واحد تقريبا او هوما بحدهم لي كاينين فهاد الدومين فالمغرب كامل, يعني كيتخرجوا كيخدكوا كاملين.
الطب و الهندسة جوج ديال الدومينات زوينين بزااف ولكن ولا بنادم بزاف كديرهم وحنا بلادنا ماشي امريكا ولا ألماينا ميمكنش تقدر تخدم كلشي, لهذا فراه ماشي عيب لا مادرتيش شي مدرسة كبيرة غير معهد صغير يقدر يعاونك تبني مستقبل كبير.
عن صفحة H-Nakhtar
شاهد ايضا: